EPELELI 14 SAPATE

TOKANGA KI HO FAMILI

Folofola ke lau : 1 Timote 5:6-16

Veesi Tefito : 1 Timote 5:8

Ka ‘o ka ai ha taha ‘oku ‘ikai tokanga ki hono kainga, kae’uma’ä hono famili, ‘oku ne faka’ikai’i ‘ene lotu, ‘io, ‘oku ne koviange ‘i ha hiteni.” (1 Timote 5:8)


Kainga ko e kau talavou pe ko e fanau ‘oku nau fa’a ngaue’aki ke ‘ave ‘enau ngaahi matu’a ke nau hanga ‘o tokanga’i kinautolu, pea ko e taimi ko é ‘oku ‘i ai ‘enau ngaahi fiema’u kuo pau ke nau ui ‘a e ki’i tamasi’i pe ko e ki’i ta’ahine ‘o tala ki he’enau matu’a. Kuo pau ai pe ke ‘i ai ai pe ‘a e matu’a ko e ‘uhinga ke fakaai ‘a e fiema’u ‘a ‘ena ki’i tama.

Neongo ia ko ia ‘oku fu’u matu’aki mahu’inga ‘aupito ko e famili takitaha pe ko e memipa ‘o e famili takitaha kuo pau ke ne matu’aki fu’u ongo’i ngofua ‘aupito ‘a e ngaahi fiema’u ‘a e toenga ‘o e famili. Pea ko e matu’aki mo’oni mo’oni ia ki he kau kalisitiane ‘a é ‘oku nau ma’u ‘a e ‘ofa ‘a Sisu Kalaisi ke nau hanga ‘o vahevahe. Pea ki he kakai kotoa pe ‘oku totonu ke tau ‘ilo ‘a e anga ‘o e tokanga’i hotau ngaahi famili.

Fakamoleki ange ha ki’i miniti ke ke fakakaukau ki ho famili. ‘Oku ‘i ai ha’o ngaahi kui ‘oku fefe leva ho’o malanga kiate kinautolu ke nau hanga ‘o fakahaa’i ‘oku ke ‘ofa mo’oni ‘iate kinautolu. Fëfë ho’o tangata’eiki? Ngalingali pe ia ‘oku kei malohi mo kei pule lelei pe. Pea me’a ni nai ‘oku ‘ikai ke ne fua ha fu’u kavenga fakamafasia ‘i hono uma? Me’a ni nai ‘oku ne faingata’a’ia mo mamahi? Me’a ni nai ‘oku si’i mole ‘ene ngaahi ‘u me’a lahi? Me’a ni nai ‘oku ke toki ‘ilo pe ia ‘i ha’o fekumi ‘i he taimi ‘oku ke fiema’u ai ha me’a meiate kinautolu. Ko e fe ‘a e taimi faka’osi ‘oku ke manatu’i na’a ke lotu ai ma’ana ‘o fakalotolahi’i ia pe fakamälö kiate ia.

Fakatokanga ange ki ho’o fine’eiki (mother).’I ai nai ha me’a te ke lava ‘o lea ai pe fai ke fakahaa’i ‘a e tonunga kiate koe ‘a e ngaahi me’a kuo ne fai ma’au. Feinga ke ke loto hounga. ‘Oua te ke hange ko e kakai pe ko e fanau nau tupu hake ‘o lalahi hono neesi kinautolu ‘e he kui pea nau ‘alu ‘o ako, pea nau ha’u kuo nau poto, pea nau ha’u kinautolu ‘o sio lalo ki he’enau kau fine’eiki. ‘Oku ke fa’a fakahaa kia kinautolu ‘oku ke ‘ofa ai? ‘Oku ke lotu nai ma’ana? Fëfë nai ho fangatokoua mo ho fakatuofafine? Me’a ni nai ‘oku ke mo’ua ‘i he fe’auhi mo kinautolu kae ‘ikai te ke fakahaa’i ‘a e tokanga mo’oni mo e ‘ofa mo’oni kiate kinautolu?

‘Oku ke fakatokanga ange ‘i he taimi ‘oku hoko ai ‘a e ngaahi faingata’a ‘oku nau fou ai. Me’a ni nai ‘oku nau ‘ilo ha fakalotolahi ha lea ‘ofa meiate koe? Ko e taimi lahi ko e kakai ko é ‘oku tau sio fakalaka ki ai, ko kinautolu ia ‘a e kakai ‘oku nau ofi kiate kitautolu.

Ko e ‘aho ni matu’aki fu’u ongongofua ki he ngaahi fiema’u ho ngaahi famili mo e memipa ho famili, ‘o kau ai ‘a e ngaahi famili mama’o atu ‘a e aunty mo e fa’ētangata, ‘a e cousin. Kole ki he ‘Otua ke fakaava ho mata ki he si’i me’a ‘oku nau mo’ua ki ai ‘a e kakai ko ia ‘oku mahu’inga lahi kiate koe.

TEFITO’I FAKAKAUKAU : Faka’aa ho mata ke ke sio ‘o ‘ilo ‘a e fiema’u ho famili, pea ‘oua te ke sio lalo ki ai ka ke hanga ‘o tokoni’i mo ke ofi ki ai, pea ke foaki ‘a e me’a ‘oku ala foaki pea hanga ‘e Sihova ‘o tapuaki’i koe.

Be the first to comment on "EPELELI 14 SAPATE"

Leave a comment

Your email address will not be published.


*