EPELELI 16 TUSITE

LOTO TOPONO

Folofola ke lau : 1 Timote 6:1-9


Veesi Tefito : 1 Timote 6:6


“Ka ‘oku mo’oni ko e me’a fakakoloa ‘aupito ‘a e lotu mo’oni, ‘o ka ö mo e loto topono.” (1 Timote 6:6)


Ko e ha ia kiate au? Te tau loto lelei ke fakae’ee’a ia pe ‘ikai? Ko e fehu’i ‘eni ko ia ‘a e fo’i aka ‘o e me’a kotoa pe kotoa pe ‘oku tau fai. Ko e lahi ange ho’o fo’i pa’anga ‘e ma’u mai, ko e lahi ange ia ho taimi mo ho ivi pe pa’anga ‘oku ke hanga ‘o fakahü ke ke tulituli ‘aki ke ma’u ho’o fo’i totongi fakafoki ko ia.
Ka kia kitautolu ‘a e kau kalisitiane mahalo pe te tau fakakaukau kia kitautolu ko e kakai ‘oku ‘ikai ke sio kita. ‘Oku ki’i si’i hifo pe ‘i he tefito ‘ia kita ‘a e me’a kotoa pe ‘i he toenga ‘o e mamani ko ‘eni, kae saiange ke tau ki’i sio ofi ange ki he ngaahi laumalie ‘oku tau ma’u pea te ne hanga ‘o faka’ohovale’i kitautolu.

Ko e mo’ui siokita ko e fo’i ‘uhinga ia ko e toko lahi ‘iate kitautolu ‘oku tau faa’ofua ai ‘i he lotu fakakalisitiane ‘i he ‘uluaki taimi. ‘Oku tau lava pe ‘o sio ki he me’a ko ‘eni ‘o fai’ etau fili; ko e Mo’ui Ta’engata ‘ia Sisu Kalaisi ‘i Hevani ‘oku ne lakasi ‘e ia ia ‘a e mavae ta’engata mo e ‘Eiki ‘i Heli. Ko ia pea tau fili leva ‘a e me’a ‘oku fu’u hä mahino pe ia kiate kitautolu.

Ko e toko lahi ‘o kitautolu ‘oku tau ‘alu ‘o kau ‘i he ngaahi siasi ‘oku tau ma’u lotu ai, ko hono ‘uhinga he ko e me’a ia te ne foaki mai ai kiate kitautolu ‘a e Mo’ui Ta’engata, pea toko lahi pe ‘a e kakai ‘i hotau ta’u ko é ‘o tautolu kuo motu’a, ‘oku hanga ‘e he siasi ‘o foaki ‘a e ngaahi polokalama lelei taha. Pea ‘oku ngalingali mei he’etau fakakaukau ko e feitu’u lelei taha ia ke tau ma’u ai ha husepaniti pe uaifi ki he toko lahi ‘o e kau finemui mo e kau talavou. Kae kehe tau hanga ange ‘o fakakaukau’i ange ‘a e ngaahi me’a ‘oku tau fai.


‘Oku tau fai ‘a e ngaahi ngaue lelei, ka ko e me’a ni nai ‘oku tau fai mo e ngaahi ngaue lelei ‘o kapau ko e ‘Otua toko taha pe ‘oku ne sio kiate kitautolu? ‘Oku ngalingali ‘oku tau kumi ha me’a kiate kitautolu ‘o ‘ikai ke toe si’i ange ia ‘i he me’a ‘oku fai ‘e ha toe ngaahi kaume’a ta’etui.


Ko e toko lahi ‘a e kau memipa ‘o e siasi ‘o Timote ‘oku nau fai ‘enautolu ‘a e ngaahi ‘asenita pe ko e ngaahi polokalama ‘oku matu’aki fu’u siokita. ‘Oku nau hoko ko e kau kalisitiane ‘i he’enau ‘amanaki ke nau tu’umalie ai, te nau koloa’ia ai, te nau pa’anga’ia ai. ‘Oku nau pehe tokua, kapau te nau hoko ko e kau kalisitiane ‘e hanga ‘e he ‘Otua ‘o tapuaki’i kinautolu fakapa’anga. Pea ko e lea ‘a Paula kiate kinautolu ‘oku fu’u tokoni lahi ia kia tautolu ‘i he ngaahi ‘aho ko ‘eni.


Na’e pehe ‘e Paula, kapau leva te mou tulituli ki he mo’ui faka-‘Otua, pea ‘oku totonu ke mou fiemalie pe mu’a ‘i he me’a ‘oku ‘oatu ‘e he ‘Otua ma’amoutolu. Te mou fiefia lahi ‘i he ki’i koloa pe te mou ma’u ‘o lakaange ia ha fu’u pa’anga lahi faufau ‘e ‘oatu ma’amoutolu.


Ko e loto topono ‘e kainga, ko e malava ke te fiefia pe ‘i he ki’i me’a pe ‘oku ma’u ‘e hoto nima. ‘Oku laka ‘anoa ange ia ‘i he ngaahi pale lalahi ‘oku ‘ofa atu ‘e mamani ma’au ka ke ‘alu ‘o ta’e ma’u ha fiemalie.

TEFITO’I FAKAKAUKAU : Lotu pe ke ke ma’u pe ‘a e loto topono pe ko e fiemalie ‘i he me’a pe ‘oku ‘oatu ‘e he ‘Otua ki ho nima.

Be the first to comment on "EPELELI 16 TUSITE"

Leave a comment

Your email address will not be published.


*